Raltlante buaipuitu tur committee din

Mizoram sorkar chuan Manipur buaina avanga an sahimna zawnga Zo hnahthlak rawn raltlante lo dawngsawng a, enkawl zuitu turin Home minister Lalchamliana kaihhruaina hnuaiah committee a din.

Home Minister kaih­hruai committee hi ‘High Level Committee on Internally Displaced Persons (IDPs) of Manipur in Mizoram’ tih a ni a, vice chairman-ah minister Lalchhandama Ralte ruat niin, member secretary chu Home secretary H Lalengmawia a ni.

Member-ah minister pathum Lalruatkima, K Lalrinliana leh Robert Romawia Royte bakah, Finance, Health & FW, GAD, DMR, PHE leh UDPA Secretary-te, Aizawl DC, Central YMA, Mizoram Journalists’ Association leh Mizoram Kohhran Hruaitute Committee aiawhte ruat an ni.

Committee hian Manipur aṭanga sahimna zawnga lo lutte dawnsawn leh enkawl zui dan tur bakah chhawmdawl dan enpuiin an ruahman dawn.

Mizoram sorkar chuan Home Secretary kaihhruai Executive Committee on Internally Displaced Persons (IDPs) of Manipur in Mizoram pawh a din.

Committee-ah hian member secretary chu OSD (Home) niin member atan Police, P&E, PHE, Health, FCSCA, DMR, Education, Aizawl DC leh Central YMA aiawhte an awm ang.

Committee hian Home Minister kaihhruai High Level Committee thurel bawhzuiin, department-te mawhphurhna tih hlawhtlin a nih theih nan an en zui ṭhin dawn a ni.