Gas man bithliah thar

Indian Oil Corporation-in eirawngbawlna gas (LPG) man a bithliah thar avangin Food, Civil Supplies and Consumer Affairs (FCSCA) department chuan Mizorama hman tur gas man a bithliah thar a, June 1, 2023 aṭang khan hman a ni.

Gas man tharah chuan domestic gas búr kg. 14.2 tih loh búr dang zawng chu a man a tlahniam a, kg. 14.2 búr erawh a man pangngai a la ni.

Domestic gas búr kg. 14.2 Vairengteah Rs. 1,246 man niin, Mizoram hmun dang zawngah Rs. 1,255 a ni. Commercial cylinder (kg. 19) chu Vairengteah búr khat Rs. 2,206 a ni a, hmun dang zawngah Rs. 2,222 a ni.

Xtra TeJ búr (kg. 19) chu Vairengteah búr khat Rs. 2,228.50 niin, hmun dang zawngah Rs. 2,244 a ni a; composite búr (kg. 10) chu Vairengteah Rs. 889.50 niin, hmun dang zawngah Rs. 899 a ni.