World Environment Day pualin hun hmang

Sorkar laipui Minis­try of Information & Broadcasting hnuaia Central Bureau of Co­mmunication (CBC), Aizawl unit chuan nimin khan Luang­mual Middle School-ah World Environment Day pualin 'Mission life' tih thupui hmangin hun an hmang.

Inkhawmah hian CBC officer incharge Lalginlen Lhouvum chuan World Environment Day puala hun an hman chhan a sawi a, Luangmual M/S head­master K Lalmalsawma khuallian a ni. Resource person Vanlalhrima'n khawvelah sik leh sa a danglam chak thu leh Mizoramah a danglam nasat tawh thu te, lui tui a tlem tial tial thu te, ramngaw, tuihna leh nungchate humhalh a ṭul tak zet tawh thute a sawi.

World Environment Day pual hian KVK, Kolasib-ah pawh kut hna­thawktute nen plastic hmang tlem tura intiamkamna thu an chham rual a ni.