Mizoram economy nasa takin a chhia - MBJP President

Mizoram BJP chuan nimin khan an pisa-ah political session an nei a, thusawitu MBJP president Vanlalhmuaka chuan, Mizoram economy nasa takin a chhia niin a sawi.

Vanlalhmuaka chuan, Mizoramin economic independence a mamawh nia sawiin, "Political independence chu India ramin British lak aṭangin kum 1947-ah kan hmu tawh. Vawiinah hian economic independence, ei leh bara intodelh a, state dangte rinchhan ngai loa mahni kea din theih hi kan mamawh ber a ni," a ti.

Vawiina Mizoramin sorkar a hrawn mekte hian economic independence an buaipui ngai lo nia sawiin MBJP President chuan, "Mizoram econmomy nasa takin a chhia," a ti a, thingtlang leh khawpuiah pawh economy a ṭha lo hle tih a chian thu a sawi.