Kawṭhalo do beihpuithlakna ṭan

Health department hnuaia Aizawl East district-a kawṭhalo do beihpui thlakna, Intensified Diarrheoa Control Fortnight (IDCF) chu June 5, Thawhlehni khan National Health Mission (NHM) mission director Dr Eric Zomawia'n Chanmari YMA Hall-ah a hawng.

IDCF hi June 5-19, 2023 chhunga kalpui tur a ni a, naupang kum 5 hnuai lam hnenah kawṭhalo laka invênna damdawi sem a ni ang. IDCF hi hmang ṭangkai a, lo chhawr ngei tum turin mipui ngen an ni.

HFW department tarlan danin, India ramah naupang kum 5 hnuai lam thite zinga 6.4% chu kawṭhalo vanga thi niin, India ramah kum tinin naupang kum 5 hnuai lam mi 60,000 velin an la thih phah reng a ni. National Health Policy 2019 chuan ram pumah naupang kum 5 hnuai lam thihna chu 1,000 zelah 39 aṭangin 23-ah tihhniam a tum a; chuvang chuan kum 2014 aṭangin IDCF kalpui a ni.