Assembly inthlanpui neih tur sawiho

Lunglei District Standing Committee chu nimin khan additional DC Donny Lalruatsanga kaihhruaiin DC conference hall-ah an ṭhukhawm a, Mizoram Legislative Assembly Election 2023 awm tura thil pawimawhte an sawiho.

Ṭhutkhawmah hian polling station siamrem ngai leh polling station dil belhna lutte ngaihtuah a ni a; dilna lutte chu a kaihhnawih booth level officer (BLO)-te'n lo zir chiangin, an zirchiannate chu Mizoram Chief Election Officer kaltlangin Election Commission of India (ECI)-ah thlen ni se, an ti.

Lunglei district-a kum 18 chung lam vote nei thei tur aia voter an tlem chhan te, sensitive polling station-a sum hman dan tur te, polling station ṭhenkhata CCTV vuah te, inthlannaa force duty zat tur leh sum ngai zat tur te, polling station hrang hrang inthlanna nei thei tura hmanrua awm tura beisei te, EVM leh VVPAT dinhmunte sawiho a ni bawk.