Foundational Literacy & Numeracy Rally

Samagra Shiksha, Mizoram chuan NIPUN Bharat Mission hmalakna kal zelah nimin khan Joint YMA Field Vaivakawn, Bawngkawn Primary School & Middle School-II leh Venghlui Field-ahte Foundational Literacy & Numeracy Rally an buatsaih.

Sorkar laipuiin NEP 2020 hnuaiah zirna lama hmasawnna tura naupang kum 3-9 inkarte'n ziak, chhiar leh chhiarkawpte awmze nei zawka an zir thiam theihna tura hmalakna atan FLN a siam a; FLN tihhlawtlin nan leh hmalakna atan mission din niin, NIPUN Bharat Mission tih a ni. Hmalakna atan FLN Rally buatsaih a ni a, zirlai bakah an nu leh pa te, zirtirtu te, khawtlanga pawl hrang hrangte hnenah zirtir zel tum a ni.

Sorkar laipui chuan state hrang hrangte chu FLN hlawhtlinna atan June 1-15, 2023 chhungin hma la turin a hriattir a; Samagra Shiksha, Mizoram chuan nimin khan sikul ṭhenkhatte nen FLN Rally an buatsaih a ni. Zirlaite'n veng chhungah zirna pawimawhzia leh leh ṭangkaizia tarlanna thuziak an keng kual a; Joint YMA Field, Bawngkawn PS & MS-II leh Venghlui Field-ahte a kharna hun hman niin, zirlai 1,515 an tel.

FLN Rally-ah hian footballer S Malsawmtluanga, journalist Lalhruaitluanga Chawngte leh basketballer Lalrina Renthlei ten an hmanpui a; Samagra Shiksha State Project Office leh District Project Office-a hotute an tel bawk.