Remna Ni pualin thisen pek huaihawt

Mizoram sorkara General Administration Department, Association for Voluntary Blood Donation (AVBD) leh Civil Hospital, Aizawl Blood Bank-te chuan kumina Remna Ni (June 30) pualin nimin khan Secretariat tualah blood donation van pahnih hmangin thisen pek an huaihawt a; mipa 27 leh hmeichhia pahnihte'n thisen unit 29 an pe.

GAD, AVBD leh Central YMA-te thawkho chuan kumina Remna Ni pualin June 2023 thla chhung zawngin thisen pek rûnpui an huaihawt mek tih sawiin AVBD chuan, Remna Ni puala thisen pe turin Mizoram mipui an sáwm a, "Mizorama blood bank zawng zawngah Remna Ni pualin thisen pek theih a ni a, remna hlutzia hria a, mite nunna chhan nan thisen pe turin mi zawng zawng kan sâwmin kan ngen a ni," an ti.