Lalnghinglova Hmar leh Jeje-a chhuang

ZPM Ṭhalai chuan thu­chhuah siamin, Mizoram Football Association ho­no­rary secretary Lal­nghinglova Hmar chu foot­ball hmasawnna atana a thawh hlâwk avang leh India ram tana ṭum eng emaw zat khel tawh footballer Jeje Lalpekhlua te an chhuan thu an tarlang a; an kal zelna turah duhsakna an hlân.

ZPM ṭhalaite chuan, All India Football Federation (AIFF) president Kalyan Chaubey-a'n AIFF hma­sawnna tur leh ṭhat zawkna tura tun hnaia AIFF Core Committee a din, member panga awmnaah Lalnghinglova Hmar a tel tih an tarlang a, "India ram pum huap football thuneitu sang AIFF Core Committee-a tel phâk Mizo pa kan nei hi kan chhuang a, duhsakna kan hlan a ni," an ti.

Jeje Lalpekhlua chu Road to Old Trafford programme hmangin Manchester-ah a chám mek tih sawiin ZPM Ṭhalai chuan, "Road to Old Trafford-a Indian champion team-te ruala kal tur hian India ram aṭangin football lama mi hlawhtling zual mi pali thlan an ni a, Pu Jeje Lalpekhlua pawh thlan chhuah a ni," an ti a; Jeje Lalpekhlua chu infiamna lama sûlsutu, ṭhalaite entawn tlâk sûlhnu ropui nei a ni tih sawiin, an chhuan thu an tarlang.