CYMA-in zirlai ti ṭhate an chawimawi

Central YMA chuan nimin khan Central YMA Hall-ah kumina MBSE hnuaia HSLC leh HSSLC exam-a top 10-a lang Mizo zirlaite lawmpuina leh chawimawina hun an buatsaih.

Inkhawm hi CYMA vice president Lalhmachhuana'n a kaihruai a, president R Lalngheta’n lawmpuina thu a sawi. Deputy accountant general Elvina Lalmuanpuii Leivon, IAAS-in zirlai ti ṭhate fuihna thuchah a sawi bawk.

Mizo zirlai ti ṭhate hnenah hian CYMA chuan lawmpuina pawisa leh thuchei an hlan a; HSLC aṭangin mi 14, HSSLC arts aṭangin mi 14, science aṭangin mi 11 leh commerce aṭangin mi 13 hnenah chawimawina an hlan a ni.