Manipur ráltlânte tan medical camp

2nd Assam Rifles, Aizawla hmunpui neite chuan Manipur aṭanga sahimna zawnga Mizorama rawn lutte tan Chiahpui leh Ngopa khuaah June 8, Ningani khan medical camp an huaihawt a, mi 63-te hriselna dinhmun an enfiah.

Mizorama Assam Rifles hotute chuan, Manipur tualchhung buaina avanga sahimna zawnga Mizorama lutte chu a theih ang angin Assam Rifles-in an buaipui a, "AR hi tláng mite ṭhian a nih angin, kawng hrang hrangin anmahni ṭanpuina leh chhawmdawlna hna thawh a ni," tiin an tarlang.

Hetih lai hian, 42nd Assam Rifles, Serchhipa hmunpui neite chuan June 8 vêk khan Champhai Chhungte-ah ram dang meizial bawmpui 44 an man a, Rs 57,20,000 hu a ni.