AAP hruaitute'n sikul an tlawh

Aam Admi Party (AAP), Mizoram hruaitute chuan tun kar chhung khan Aizawl South-III leh Serchhip district-a sorkar sikul ṭhenkhat an tlawh a, sorkar sikulte chu neitu nei lo ang maia kal a nih thu an tarlang.

AAP chuan, zirna an ngaih pawimawh avang leh ram hmasawnna atana pawimawh ber zinga mi a nih avangin sikul hrang hrangte an ngaihven tih an tarlang a; AAP Mizoram vice president C Lalkhuma chuan, "Tuna kan sorkar sikulte hi neitu nei lo ang maiin an kal mek a, zirna-in a chhiat em em rualin zirna quality pawh a chhe hle a ni," a ti.