Governor-in thei leh thlai zuarte hlâwk theih dan tur a sawipui

Governor Dr Hari Babu Kambhampati chuan June 10, Inrinni khan Aizawl Tennis Court bula thei leh thlai zuartute a tlawh a; an sumdawnna kalpui dante enpuiin, hlâwk zawka an kalpui theihna tura an mamawhte a sawipui.

Sumdawngte mamawh, thuràwn leh bank loan chungchanga hriat tur pawimawhte lo hrilhfiah zel turin Gover-nor hi bank hotute'n an ṭawiawm a ni.

Dr Hari Babu Kambhampati chuan, sumdawngte chu sorkar laipuia scheme-te leh street vendor-te hmasawnna tura loan pûk theihte hrilhin, social security scheme hrang hrang, mi harsa ber tan pawha harsa lo têa inziah luh theihte chu zawm ṭheuh turin a chah a; an thil hrilhfiahte chu an ṭhian dangte hrilh chhâwng turin a chah bawk.

Governor leh bank hotute hian sumdawngte tana lak theih sorkar laipuiin loan a ruahman MUDRA leh SVANIDHI te, social security scheme - PMJDY, PMSBY leh PMJJBY chungchangte nasa zawka mipui hriattir a nih theih nan an lo sawiho tawh ṭhin a ni.