END-in heroin an man

Excise & Narcotics department (END) chuan June 10-11, 2023 khan Aizawlah heroin kg. 6 leh gram 58 (hawng 523) an man.

END hian June 10, Inrinni zan dar 8 khan Bawngkawnah heroin gram 248 (hawng 22) leh a neitua puh N Ngolang (55) s/o Vungen (L), Tahan, Myanmar nia inchhál an man a ni.

Nimin chhun dar 12:03 khan Zemabawk East-a Kanan Thar petrol pump bulah heroin kg. 5 leh gram 810 (hawng

501) an man leh a, inhnamhnawiha puh mi pali - Md. Nazimul Hussain Barbhuiya (34), Nutan, Ramnangar, Abdul Kalam Laskar (23), Uttar Mohanpur, Sonai, Kutbul Alom Laskar (28), Dakshin Mohanpur, Sonai leh Sukur Ali Mazumder (22), Lakhipur, Assam-a nia inchhálte an man nghal. Heroin phurhna Ashok Leyland truck AS-11 EC-5636 an man tel bawk.