Fa hrawn pawngsualtu kum 10 tang turin hrem

Fast Tract Special Court (Protection of Children from Sexual Offences Act) presiding officer P Singthanga chuan a fa hrawn pawngsual ṭhintu pakhat chu kum 10 chhung táng turin a hrem.

Special Court-in thiam loh a chantir tâk hian kum 2014-2016 chhung khan a fahrawn a pawngsual ṭhin a, a fahrawn hian August 14, 2019 khan Vaivakawn Police Station-ah thubuai a thehlut a, POCSO Act Section 6 hmangin thubuai ziah luh a ni.

Fast Track Special Court chuan thubuaiah hian June 9, 2023 khan thutlukna siamin, pawngsualtu chu thiam loh a chantir a, hrehawm taka kum 10 táng tur leh Rs 3,000 chawi turin a hrem. Rs 3,000 a chawi loh chuan thla thum dang tan belh turin a ti bawk.