STAM Proficiency Award sem a ni

Science Teachers' Association, Mizoram (STAM) chuan nimin khan Synod Conference Centre-ah STAM Proficiency Award hlanna inkhawm an buatsaih a, MBSE hnuaia HSLC leh HSSLC Examination 2023-a Science leh Mathe-matics bikah mark hmu sang berte hnenah chawimawina an hlan.

STAM Proficiency Award hian Rs 10,000, memento leh certificate a keng a, award hlanna hi School Education director Lalsangliana'n a hmanpui a ni.

STAM hian Mizoram Science, Technology and Innovation Council nen ṭang duna National Science Day lawmna puala Science Competition vawi khatna, April 28, 2023-a neiha Aizawl district-a ti ṭhate hnenah lawmman an hlan nghal bawk.