MNF sorkar hnuaiah hmasawnna tam tak hmuh tur a awmah ngai

MNF party chuan nimin khan Mizo Hnam Rûnah chhung inkhawm an nei a, Mizoram University-a associate professor Dr Irene Lalruatkimi, MNF Publicity Board member ni bawk chuan, MNF sorkar hnuaiah hmasawnna tam tak an hmuh thu a sawi.

Dr Irene Lalruatkimi chuan, MNF nih chu Mizoram mai ni lo, ram dangah pawh a nuam nia sawiin, "MNF sorkar hnuaiah hmasawnna tam tak kan hmu. Sum leh paiah direct-in sorkar hi chhawr lo mah ila, kawngpui ṭha min pek te, buhfai leh gas hnianghnâra min pek vang ringawt pawh hian sorkar hi kan chhawr. Mipui tana phurrit tham chhiah la si loa sorkarin min tihsak zozai en hian lawm nacháng kan hriat a hun hle," a ti.

AMC inthlan hnuhnung bera Ward XIX-a MNF candidate Irene Lalruatkimi chuan, "MZU hi India leh MNF ten Peace Accord an ziah vanga kan neih a ni.," a ti a; MZU tih lam rualin thinlungah MNF tih a lang tel lo thei lo niin a sawi.

Dr Irene Lalruatkimi chuan, Agriculture lama Mizoram hmasawnna chu hmuh hmaih rual a ni lo niaa sawiin, "Kut hnathawktu mi taimate'n a hlâwkna an tél mek," a ti a; MNF sorkar tluka ramria hma la na ngam an la awm loh thu leh ram rálmuang leh him tehna pakhat, hmeichhia leh naupang himna leh hlimna chungchangah pawh Mizoram a sang hle niin a sawi bawk.