PUC-ah national seminar buatsaih

Pachhunga University College-a Mathematics department chuan nimin khan PUC Environmental Science seminar hall-ah 'Role of Number Theory & Graph Theory in Mathematical Science' tih thupui hmangin national seminar an buatsaih a, Human Resource Development Board vice chairman Dr L Thangmawia, MLA-in a hawng.

Dr L Thangmawia chuan, mathematics chu hlauh tur a nih loh thu sawiin, "Tun hma chuan Mizo zingah mathematics zir kan tam lo em em a, Mizo náwlpui khan hlauh enin kan en a ni. Mahse, tunah chuan Mizo zingah ngei pawh M.Sc. leh Ph.D degree nei kan awm nual tawh a, hmasawnna ropui tak a ni," a ti.

Seminar hi Mizorama New Education Policy (NEP) kalpui tura college hrang hranga mathematics ziritirtute leh zirlaite awlsam zawka an lo inbuatsaih theihna tura buatsaih a ni a, mithiamte'n an sawiho dawn a ni. Seminar hi vawiinah chhunzawma zawh a ni ang.