Chief information commissioner Lalnunmawia Chuaungo a báng

Mizoram chief infor­mation commissioner (CIC) Lalnunmawia Chuaungo, IAS (Rtd) chuan June 11, 2023 khan Governor Dr Hari Babu Kambhampati hnenah CIC aṭanga bànna a thehlut a, nimin khan chief minister Zoramthanga pawh a hriat­tir nia thu dawn a ni.

Lalnunmawia Chuaungo hi Mizoram chief secretary a nih laiin voluntary pension-in a chhuak a, a hnu lawk November 11, 2021 khan CIC atan lak luh a ni. CIC term chu kum 5 chhung emaw, kum 65 tlin thleng emaw a ni.

Lalnunmawia Chuau­ngo hi March 1, 1962-ah a piang a, IAS, 1987 batch niin, Gujarat cadre a ni a; hun eng emaw chen Gujarat-a a awm hnuah Mizoram sorkarah a thawk a ni.

Banna thehlut tawh mah se, Lalnunmawia Chuaungo hi June 19, 2023 thleng office a kal dawn. Politics zawm a tum leh tum loh Vanglaini palaiin a zawhna chu, "Hunin a la rawn hril ang chu," tiin a chhang.