Ganja leh heroin man

Excise & Narcotics Depart­­ment chuan June 12, Thawhṭanni chawhnu dar 3 khan Khatla South-a Tlawng road-ah ganja kg. 21 leh gram 900 leh a neitua puh - JH Lalngaihawma (32) s/o JH Zarzoliana, Maubawk, Joseph Lalnunthara (23) s/o Vanneihmana, Maubawk leh Roluahpuii (26) d/o Lalpeka, Khatla South nia inchhálte an man. Ganja phurh kualna atana hman scooter MZ-01 W-9493 an hréng bawk.

END enforcement-te hian June 12 vêk zan dar 10:40 khan Ruantlang, Champhaiah heroin gram 80.700 (hawng 6) leh a neitua puh Zaisiamthanga (27) s/o Roremliana, Champhai Vengthlang Rahsi Veng nia inchhál an man bawk. Ruihhlo vanga mante lakah hian NDPS Act, 1985 tlawhchhanin thubuai ziah luh a ni.