Serchhip leh Lawngtlaiah EVM endik

Mizoram inthlan awm tura inpuahchahna kal zelah nimin khan Serchhip leh Lawngtlai district-ah electronic voting machine (EVM) leh voter verifiable paper audit trail (VVPAT) khawlte endik thawh khatna neih a ni.

Serchhip district-ah chuan DC conference hall-ah EVM leh VVPAT khawlte endik a ni a; tun dinhmunah EVM ballot unit 154, control unit 187 leh VVPAT 150 a awm mek. Endik thawh khatna hi tun kar chhunga zawh tum a ni a, chumi hnuah vote thlak chhin (mock poll) a ni ang.

Lawngtlaiah pawh DC conference hall-ah EVM leh VVPAT endik thawh khatna neih a ni a; khawl siamtu siamtu Electronics Corporation of India Limited (ECIL) engineer pangain an endik a, Election official-te leh political party aiawhte'n an ṭawiawm a ni.

Lawngtlaiah hian EVM ballot unit 282, control unit 330 leh VVPAT 296 a awm mek a; EVM control unit pakhat tih loh chu a ṭha vek. Endik thawh khatna hi June 17, 2023 thleng ni tin zing dar 9 aṭanga zan dar 7 inkarah neih ṭhin tura ruahman a ni.