Dy CM-in basketball court a hawng

Deputy chief minister Tawnluia chuan nimin khan a bial chhunga Khawzawla PHE Com-plex-ah interlocking polypropylene (PP) tile hmanga siam Khawzawl Basketball Court a hawng. Basketball court hi UDPA department kaltlangin Rs 38,00,000 hmanga siam a ni.

Tawnluia chuan, Mizoram sorkarin UDPA kaltlangin Khawzawlah infiamna ruhrel hrang hrang a siam tawh thu a sawi a, "Ruihhlo leh a kaihhnawih lakah ṭhalaite fihlim tum u la, taksa hriselna dah pawimawh hmasa ṭhin ang che u," a ti.

Deputy Chief Minister hian nimin vêk khan Khawzawl DC pisa sak mek a tlawh a, contractor-te chuan July 2023 chhunga sak zawh hman an tum thu an lo hrilh. Tawnluia hian Zaingen Venga UDPA pisa sak mek leh Mualvawm khelmual bula futsal ground siamna turte a en bawk.