Mamitah ISHTH Campaign hawng

Mamit chief medical officer Dr Zothankhuma Chhakchhuak chuan nimin khan Mamit District Jail-ah Integrated STI, HIV, TB and Hepatitis (ISHTH) Campaign a hawng a, jail tángte hriselna dinhmun endik nghal a ni.

Dr Zothankhuma chuan, sexually transmitted infections (STI) vangin natna 30 chuang inkài chhàwn theih a awm tih a sawi a, "Mipat hmeichhiatna hman kawngah kan fimkhur a ṭul hle a, nupa kar ni loah chuan sex hman loh tur a ni. Damdawia inchiu ṭhinte'n hriau an inhman ṭâwm ṭhin avangin natna hlauhawm tak tak kai theih a ni bawk," a ti.

ISHTH Campaign hi Mamit khawpui leh a chhehvela home hrang hrangah neih chhunzawm zel tur a ni.