Dr Thangtea'n Incentive Cash Award a hlân

Higher & Technical Edu-cation minister Dr R Lal-thangliana chuan nimin khan a pisaah tun hnaia UPSC exam buatsaih hrang hranga ti ṭha mi pathum hnenah Incentive Cash Award Rs 1,00,000 ṭheuh a hlân.

Incentive Cash Award hlante chu - UPSC (National Defence Academy) & Naval Academy Exam (II) 2019-a tling Dayne Thiamsangliana te, UPSC Civil Service Exam 2022-a personal interview thleng pahnih Betty Lalrinfeli leh KC Zalena te an ni.

HTE Minister chuan, UPSC exam buatsaiha ti ṭhate chu chhuanawm a tih thu sawiin, an thlen china lungawi mai lo a, nasa zawka ṭang zel turin a fuih a, "India rama ziak leh chhiar thiam tam lamah Mizoram hi pahnihna kan ni chungin, hnam dangte el pha tur chuan thiamna tak tak neih a ngai," a ti.