SEC-in letter of registration ngaihhnathiam

State Election Com-mission (SEC) chuan district tina district election officer (DEO), bawrhsap ni bawkte hnenah nimin khan lehkha a thawn a; VC leh LC thlan turah ZPM party leh PRISM party candidate-te aṭanga letter of registration thil tel tura tih chu ngaihhnathiam a nih thu a hriattir.

VC/LC inthlan turah hian dan ang chuan Election Commission of India (ECI)-a registered political party ni tawh, recognised party la ni si lote candidate aṭangin nomination paper-ah ECI letter of registration thil tel a ngai a; mahse, thingtlang khaw tam takah letter of registration copy chu print chhuah theih a nih loh avangin VC/LC inthlanah hian registered unrecognized political party pahnih - ZPM leh PRISM candidate-te chu ngaihhnathiam turin SEC chuan thutlukna a 

siam a ni.