Governor leh Meitei hruaitute inkâwm

Governor Dr Hari Babu Kambhampati leh Mizorama Meitei Welfare hruaitute chu nimin khan Raj Bhavan-ah an inkâwm. Meitei Welfare hruaitute'n Manipur-ah remna leh muana a awm theih nana India President hnena ngenna lehkha an siam chu thehluhsak turin Larsap an ngen.

Meitei Welfare hruaitute chuan, tun hnaia Manipur buaina chu thinlung taka pawi an tih thu an sawi a, "Remna leh muanna a awm leh thuai kan duh ber," an ti a; remna leh muanna duh Mizo mipui zinga an cheng chu vannei an intih thu leh an thla a muan thu an sawi.