CM hoin Lengpui Airport sawiho

Chief minister Zoramthanga hoin nimin khan CMO Conference Hall-ah sorkar hotute an ṭhukhawm a; Lengpui Airport inrêlbàwlna leh venhimna chungchang an sawiho.

Ṭhutkhawmah hian chief secretary Dr Renu Sharma bakah, Finance, GAD, Home, DPAR, Land Revenue & Settlement, Civil Aviation leh department dang ṭhenkhat hotute an tel. Kumin February 11-a Chief Minister hoa ṭhutkhawm leh April 14-a Ministry of Civil Aviation Secretary hoa ṭhutkhawma thu dahte bawhzui dan leh hmabak la awmte sawiho a ni.

Lengpui Airport hungna siam tur chung­chang te, survey neih chungchanga hmalakna te, security bungrua thuam ṭhat te, CCTV tihchangtlun te, post ṭhenkhata thawktu indaih lohna chung­changte leh thil dang pawimawhte sawiho a ni a; Mizoram chhim lama green field airport siam chungchanga hmalakna te, Tuirial Airfield siamṭhat leh hmun hrang hranga helipad tihchangtlun chungchangte sawiho a ni bawk.