Mamitah MPF seminar buatsaih

Mizoram People Forum (MPF) General Headquarters leh Mamit District Forum chuan nimin khan Mamit Presbyterian Kohhran Hall-ah MPF seminar an buatsaih a, Mamit district chhunga Assembly constituency leh khaw hrang hranga MPF hruaitute an tel.

MPF seminar-ah hian chawhma lamah, 'Inthlanna dik, fel leh fai nei tura Kristiante mawhphurhna' tih thupui Rev. Dr LH Rawsea ziah zirho a ni a; chawhnuah Rev. Dr K Lallawmzuala ziah, 'Ram rorelna ṭha nei turin dikna, rinawmna leh huaisenna kan neih a ṭul' tih zirho a ni.

Kumina Mizoram inthlanpui awm tura MPF hmalak zel dan turte an sawiho nghal bawk.