Dy.CM-in damlo khualbûk a hawng

Deputy chief minister Tawnluia chuan nimin khan a bial chhunga Khawzawl Dinthar Vengah khualkhua aṭanga damlo leh damlo awmpuitute thlenna tur khualbûk, Patient Attendants' Shelter a hawng. PAS-ah hian khum 10 a awm a, UDPA hnuaia DAY-NULM fund Rs 53,35,090 hmanga sak a ni.

Tawnluia chuan, damlo leh anmahni awmpuitu harsatna tâwkte thlenna tur sak a nih theihna atana ram petu MHIP Sub-Hqrs, Khawzawl chungah lawmthu a sawi a, "Mipuiin kan inhman ṭâwm vantlang in leh bungruate hi a chhe duh deuh bik a, mipuite'n vangtlang thilte hi neitu thinlung pu chunga kan enkawl a, kan dim thiam a ṭul," a ti.

Patient Attendants' Shelter-ah hian Shelter for Urban Homeless (SUH) inkaihhruaina dan ding lai angin a enkawl zui zel nan kum nga chhung operation and maintenace fund atan kum khatah Rs 12,000 zel pek ṭhin tur a ni.