Kuminah ASF vangin vawk 136 a thi tawh

Vawk pùl hri, African Swine Fever (ASF) avangin kuminah Champhai leh Kolasib district-ah vawk 136 a thi tawh a, khua/veng pakuaah ASF a léng tih finfiah a ni tawh. Hetih lai hian, March 2021 aṭanga June 14, 2023 thlengin Mizoramah ASF vangin vawk 46,344 a thi tawh a ni.

AH&Vety department chhinchhiah danin, kuminah hian ASF vangin Mizoramah vawk 136 a thi tawh a, vawk 180 suat a ni tawh. ASF vang hian kum 2021-ah vawk thi 33,417 leh vawk suat 12,568 a awm a, kum 2022 khan vawk 12,791 leh suat 11,594 a awm bawk.

Mizoramah March 2021 aṭangin ASF a léng ṭan a, Lunglei district-a Lungsen khuaah hmuh hmasak a ni. March 2021 aṭanga June 14, 2023 thleng khan ASF vangin vawk 46,344 a thi tawh a, AH&Vety department hriatpuinain vawk 24,342 suat a ni tawh bawk a ni.