Heroin leh ram dang meizial man

Assam Rifles leh an thawhpuite chuan June 14, Nilaini khan hmun pahnihah cheng nuai 513 hû heroin leh cheng nuai 51.66 hû ram dang meizial an man.

2nd Assam Rifles sipaite leh Mizoram Police-a CID (Crime) hnuaia Special Narcotics Police Station mite chuan Nilaini khan mi pahnih hnen aṭangin Zemabawk dáiah heroin kg. 1.026 an man a, Rs 5,13,00,000 hû a ni.

Heroin neitua puh mi pahnih - Lalsanga Sailo (34) s/o Mangthawnga leh Hmingthansanga (38) s/o Biakmawia (L), Ngúr khua nia insawite lakah hian CID Special Narcotic PS chuan thubuai an ziak lut.

June 14 vek khan Assam Rifles leh Custom department chuan Champhai Chhungte-ah ram dang meizial bawmpui (case) 39 leh carton 37 an man a, Rs Rs 51,66,200 hu a ni.

Assam Rifles leh Custom dept.-te hian an thudawn bawhzuia joint operation an neihnaah foreign cigarette hi an man a ni. Cigarette leh a kawltute chu Champhaia Customs hnenah hlan niin, anni hian dan angin hma an lak chhunzawm ang.