Thing phun rûnpuiah Dy CM a tel

YMA, Khawzawl Branch chuan nimin khan YMA Day pualin Tuimuk lui dungah thing phun hnatlang an nei a, bialtu MLA Tawnluia, deputy chief minister-in a hmanpui.

Deputy Chief Minister chuan, Khawzawl vengthar YMA-in Tuimuk lui dung an humhalh chu lawmawm a tih thu sawiin, "Tun hma lamah chuan he lai hmunah hian kei ngei pawh telin kan lo ramvâk tawh ṭhin. Tuna humhalh a ni ta hi a lawmawm tak zet a ni," a ti.

Lui dung humhalh tih chuan luia awm nungchate venhim bakah, mihringte chu tui tel loin an awm thei lo tih hriat a ṭhat thu sawiin Tawnluia chuan, "Tun hnai kum li vel chhungin lui hrang hrangah tui a tlem hle," a ti.

Aizawl mipui tana tui lakna Tlawng lui pawh tui pump tur awm loh hlauhthawnawmin nikum leh kuminah a awm tawh tih a sawi bawk.

Thing phun rûnpuiah hian YMA, Khawzawl Branch member 500 chuang an thawk chhuak a, thing ṭiak 1,000 vel an phun a ni.