MLA-in ṭanpuina hlân

Tuirial bialtu MLA K Laldawngliana chuan nimin khan a bial chhunga Kawnpui Chhimveng YMA Hall leh North Chaltlanga YMA Rûn a hawng a; N Chaltlang khuaa Manipur ráltlânte tlawhin, ṭanpuina buhfai, tél, dailuah leh bekang sa eng emaw zat a hlan.

North Chaltlang YMA Rûn a hawnnaah K Laldawngliana chuan, YMA chu ṭanpui ngaite ṭanpuitu a nih thu sawiin, "Ṭanpui ngaite ṭanpui turin tih tur kan hriat a ngai," a ti. Tuirial bialtu MLA hian YMA, Nisapui Branch hnenah oxygen bûr leh pawisa a pe a; Kawnpui Chhimveng YMA Hall hnenah sound system a pe bawk.