Kut hnathawktute duhsak an ni dawn - ZPM Ṭhalai President

ZPM Ṭhalai president Dr C Lalrammawia chuan, ZPM party-in sorkarna an chan chuan kut hnathawktute ngaihven leh duhsak an ni dawn tih sawiin, "Kan thar chhuah man ṭha zawka hralh a nih theihna turin theihtawp kan chhuah dawn a ni," a ti.

Dr C Lalrammawia, ZPM-in East Tuipui bial viltua an ruat ni bawk hian nimin khan Buang khuaah thu sawiin, khaw hrang hrangah ZPM boruak nasa takin a kâng mek niin a sawi a; "ZPM sorkar hmain tun hnaiah sawhthing kg. khat Rs 100 chuangin kan hralh a, sawhthing rate a ṭhat takah chuan sawhthing huan nei lo pawhin chaw fûnin varṭianah khaw danga sawhthing ṭo zawngin an thawk chhuak peih a ni," tiin, chu chuan Mizoram mipui an thatchhe lo tih a tihchian thu a sawi.