Governor leh MZU hotute an inkâwm

Mizoram University vice chancellor Prof. Dibakar Chandra Deka leh registrar Prof. Lalnundanga te chuan nimin khan Raj Bhavan-ah Governor Dr Hari Babu Kambhampati an kâwm a; MZU tihchangtlung dan tur leh medical college leh dan (law) zirna siam theih dan an sawipui.

Governor Dr Hari Babu Kambhampati chuan, MZU hotute'n rawtna an neihte chu ṭha a tih thu a sawi a; Chief Minister sawipui se ṭha a tih thu sawiin, Health Minister leh Law Minister-te pawh ráwn se ṭha a tih thu a lo hrilh.

Sorkar laipui hnuaia scheme-te leh bank loan hman ṭangkai chungchangte Mizoram mipuiin an la hre chiang lo chu a vei thu sawiin Larsap chuan, bank lam hotute chu vawi tam tak meeting a neihpui tawh thu leh bank-te'n ṭanpui tlak, loan rûl thei tur chu puih an inhuam tih a sawi. Hemi kawngah hian mipui zirtirna chungchangah emaw, bank hoin statistics an mamawh atana market survey chungchangahte MZU zirlai leh research scholar-te hman ṭangkai a rawt a ni.