Legislator intawhkhawmah thu sawi

Mumbai-a National Legislators Conference (NLC) neih mekah nimin khan Assembly speaker Lalrinliana Sailo chu Commendable Legislative Practices tih thupui zirhonaah special guest a ni a, Mizoram sorkar hmalakna leh hmasawnnate a sawi.

Lalrinliana Sailo chuan, Mizoramin ram dang aṭanga ráltlânte a dawnsawn dan te, mipui rorelna democracy a taka grassroot level aṭanga kalpui a nih thu te, remna leh muanna boruak vawn him a nih dan te, Assembly chhunga roreltute awm dan mawi leh House zahawmna vawn him dan te, India ramah Assembly rorelna pumpui live telecast hmasatu state a nih thute a sawi.

Nimina NLC inkhawmpui hi chawhmaah Lok Sabha speaker Om Birla leh Maharashtra deputy chief minister Devendra Fadnavis ten an hmanpui a; state hrang hranga assembly speaker 30, minister 18, legislator 1,470 an tel. NLC hi vawiinah chhunzawma zawh a ni ang.