NDPS Act chungchang zirho a ni

Mizoram State Legal Services Authority (MSLSA) chuan nimin khan Aijal Club-ah Narcotic Drugs and Psychotropic Substances Act (NDPS Act) zirhona an buatsaih a, Aizawl District & Sessions judge Vanlalenmawia khuallian a ni.

Vanlalenmawia chuan, vohbikte humhalhna dan chi hrang hrang sawiin, an chungah Mizoram mipuiin khawngaihna leh lainatna an lantir a ṭul thu a sawi. Khualllian hian Rights of Persons with Disabilities Act leh Rules chungchang ziahna Mizo ṭawnga lehlin lehkhabu a tlangzarh nghal a ni.

Zirhona hi MSLSA member secretary R Vanlalena'n a kaihruai a; resourse person Lalremthangi, additional public prosecutor-in thupui sawiin, ruihhlo man chungchanga hriat tur ṭulte leh hremna chungchangte a sawifiah. Mizoram Blind Society president K Lalhmingsanga leh Dr PC Biaksiama ten thu an sawi bawk.