Central Jail aṭanga tlân chhuak la man lo

June 17, Inrinni zing dar 3:10 vel khan Central Jail aṭangin táng pahnih, hnam dang ve ve an tlân chhuak a, police-te'n zawng zui nghal mahse nimin tlai thleng khan man an la ni lo.

Central Jail aṭanga tlânbote hi Jiban Uddin (33), Kamrimganj district, Assam leh Kamal Hossan (27), Bardowar, Tripura an ni a, ruihhlo kaihhnawiha man ve ve niin, an thubuai ngaihtuah mek a ni. Jail bangah tui pipe tungin an láwn liam nia hriat a nih thu thuneitute chuan an sawi.

Táng tlanbo chungchangah hian Zonuam Police Outpost-ah thubuai ziah luh a ni a, police-te'n zawng zui zel mahse nimin tlai lam thleng khan an la man lo.

Police chec­kgate hrang hrangte chu táng tlan chhuaktte lo thlithlai tura hriattir an ni.