Raj Bhavan bula punkhawm ṭhulh

NGO Coordination Committee chuan, Manipur tualchhung buainaa Mizote tawrhna avanga an thlavang hauhna atana June 23, 2023-a Raj Bhavan bula punkhawm huaihawt an tum chu an ṭhulh.

June 17, Inrinnia Central YMA Committee Room-a NGO CC hruaitute ṭhukhawm chuan, "June 12, 2023-a NGO CC-in a lo rel tawh, Manipur tualchhung buaina vanga Zo hnah­thlakte thlavâng hauhna ṭhutkhawm June 23 (Zirtawpni) chawhma dar 11-a Raj Bhavan hmar lam gate bula hman a tum chu boruak awm dan thlir chungin ṭhulh rih ni se," an ti.

CYMA, MHIP, MUP, MZP leh MSU-te telna Joint NGO chuan, Manipur buaina chungchang social media-a tarlanah fimkhur tur leh boruak muanawm zawnga kalpui turin Mizo mipui an ngen bawk.