Children's Science Congress 2023 chungchang inhrilhfiahna hun hmang

Samagra Shiksha, Mizoram leh Science Teachers' Association Mizoram (STAM) chuan June 16, 2023 khan Lai Autonomous District Council conference hall-ah Children's Science Congress 2023 chunghang inhrilhfiahna, Sensitisation Workshop an buatsaih a; Lawngtlai district-a middle school, high school leh higher secondary school 22 aṭangin zirlai eng emaw zat an tel.

Workshop-ah hian Indian Institute of Technology (IIT), Gandhinagar-a Depart-ment of Physics-a assistant professor Dr Krista Roluahpuia Khiangte-in Children Science Congress 2023 thupui (focal theme) 'Understanding Ecosystem for Health and Wellbeing' tih hmangin thil pawimawh a zirtir a ni.

Children Science Congress hi naupang kum 10-17 inkarte scientific method hmanga an thiam thil leh theihna hai chhuah tumna a ni a; thupui hnuaiah thupui ṭhen têt panga a awm.

Thupui ṭhen têt zinga an duh ber hmangin zirlaite'n project an siam ang a, chu project hmang chuan district level-ah an intihsiak dawn a ni. District-a intihsiaknaa a ti ṭhate chu state level Children Science Congress-ah an intihsiak leh ang a, state level-a ti ṭhate aṭangin national level-a intihsiak turte thlan a ni ang.