Rualbanlote Ni hman a ni

Nimin Pathianni kha Mizoram Presbyterian Kohhran chuan 'Rualban-lote Ni' atan an hmang a, tualchhung kohhran hrang hrangah hman a ni.

Mizoram sorkar hnuaia Persons with Disabilities commissioner Vanlaldiki Sailo chuan Venghnuai Presbyterian Kohhran chawhnu tleirawl inkhawmah Rualbanlote Ni a hmanpui a, ri hriatna leh ṭawnga harsatna nei naupangte enkawlna Ephatha Special School-in ṭawiawmin hun an hmang.

Kulikawn West Presby-terian Kohhran chawhnu naupang inkhawmah pawh vohbikte zirna sikul, Shining Star Special School principal Zonunmawii'n a hmanpui a, an sikula naupangte'n special item an nei.

Mizoram Presbyterian Kohhran chuan June thlaa Pathianni vawi thumnaah Rualbanlote Ni a hmang ṭhin a ni.