Mamit district 1st quarter CD ratio 72.43%

Mamit District Consultative Committee/ District Level Review Committee / District Level Security Committee chu an chairman VL Remliana, bawrhsap hoin June 16, 2023 khan an ṭhukhawm. Kumin March-May chhungin Mamit district-a bank hrang hrangte credit deposit ratio (CD ratio) chu 72.43% a ni tih tarlan a ni.

Ṭhutkhawm tarlan danin, social security scheme hrang hrang - sum chawi awm loa bank account hawnna PMJDY hnuaiah account 32,479 hawn a ni tawh a, PMJJBY hnuaiah mi 12,193 an inziak lut tawh. PMJJBY hnuaiah hian kum tin insurance premium Rs 436 chawia inziah luh theih a ni a, scheme hnuaia inziak lutte chu eng natna vang pawha an thihin an thih hnuah an nominee-te'n Rs 2,00,000 thleng an dawng thei.

PMSBY hnuaiah mi 46,789 an inziak lut tawh a, kum tin Rs 20 chawia inziah luh theih a ni. PMSBY hi accidental insurance a ni a, chetsualna vanga an thi a nih chuan nominee-te'n Rs 2,00,000 thleng an dawng thei. Atal Pension Yojana hnuaiah kum 18-40 tan inziah luh theih a ni a, mi 955 an inziak lut tawh.

Ṭhutkhawmah hian, social security scheme-te chu account neih dan aṭanga chhûtin mipuiin an la ngai pawimawh tâwk lo tih an sawi a, bank account nei zawng zawngte chu ngai pawimawh turin an ngen.

Meeting-ah hian Mamit Bawrhsap chuan Annual Credit Plan (ACP) 2023-2024 of Mamit district, cheng vbc 102.28 hmanna tur a tlangzarh a ni.