British Parliament-ah Karan Johar chawimawi dawn

Indian filmmaker, Karan Johar chu khawvel huap entertainment industry lama a thawh hlawk avangin, naktuk hian British Parliament-ah chawimawi a ni dawn.

Chawimawina hun hi UK-a Parliament in hnih - House of Commons leh House of Lords meeting neihna hmun, Palace of Westminster-ah neih a ni ang.

Karan Johar hian a film siam tam tak hi Britain ramah a siam a, hei vang hian UK nen hian inzawmna pawh an nei ṭha a, kum 2012 khan Goodwill Ambassador for Visit Britain tan an lo ruat tawh bawk. A blockbuster movie pahnih, Kabhi Khushi Kabhie Gham leh My Name Is Khan-te pawh khan UK Box Office-ah Indian film sum la lut hnem record an lo siam ve ve tawh a ni.