Transport department-in lirthei 2,87,224 ziak lut tawh

Transport department chuan lirthei 2,87,224 an ziak lut (register) tawh a; sorkar kum kal mekah April 1 - May 31, 2023 chhungin lirthei 4,203 an ziak lut.

Transport department-in an website-a lirthei ziah luh tawh zat an tarlan danin, kum 2018-19 khan Mizoramah lirthei 1,76,248 a awm a, kum 2019-20 ah 2,07,886, kum 2020-21 ah 2,33,640, kum 2021-22 ah 2,55,878, kum 2022-23 ah 2,83,021 leh, kum 2023-24 ah May 31, 2023 thlengin lirthei 2,87,224 ziah luh a ni tawh. Lirthei ziah luh zingah hian two wheeler tam berin, 1,95,158 a ni.

Sorkar kum kal mekah thla hnih (April 1 - May 31, 2023) chhungin lirthei 4,203 ziah luh a ni a, chawhrualin ni tin lirthei 68 ziah luh a awm ang a ni. Thla hnih chhung vêk hian driving licence 2,547 pek chhuah a ni bawk.