Mamitah Observation Home hawng

Social Welfare & Tribal Affairs minister Lalrinawma chuan nimin khan Mamit Hmarvengah Observation Home a hawng. Home hi Rs 87,45,000 sénga sak a ni a, khum pariat a awm.

Lalrinawma chuan, sual saa piang an awm lo tih sawiin, "Naupangte hi an hun tawn avang leh enkawlna ṭha an dawn loh ṭhin avanga humsual dai palh ṭhin an ni. Kan fate an kalna tur àwm kawngah naupang an nih lai aṭanga kaihhruai an ngai," a ti a; khawtlangah naupangte leh hmeichhiate enkawl ṭhat leh humhim chu mi tin mawhphurhna a nih thu a sawi.

Women & Child Development deputy director Sailopari tarlan danin, Mamitah kum 2016 khan Observation Home din a ni a, tun thlengin naupang 142 an awm tawh a, mi 139 chu chhuak tawhin, mi pathum an awm mek. Superintendent hoin thawktu mi 11-in an enkawl a ni.

Observation home hi pawi khawihtu naupang kum 7-18 inkarte awmna/enkawlna a ni a, thla li an awm ṭhin. Thla li hnuah Special Home, Aizawlah sawn ṭhin an ni.