Chetsualna vangin mi pahnih an thi

June 19, Thawhṭanni leh nimin khan lirtheia chetsualna leh mahnia chêtsualna avangin mi pahnih an thi a, nimin khan vui ve ve an ni.

Thutak Zonunsanga (20) s/o Kapthangpuia (L), Champhai Tlangsam chu June 19 zan khan leileta hna a thawk zo, tractor dahṭhat a tumna lamah kawng thlangah a tawlh liam a, damdawi-in panpui a nih hnuah a hliam tuar loin a thi.

Vanlalfela (52), Serchhip Kawnpui South chu June 19 tlai khan Tarpi Tlang, Serchhip pana kea a kal laiin kawng thlangah a tla a, Serchhip damdawi-in panpui a nih hnuah State referral Hospital panpui leh a ni a, a hliam tuar loin nimin zing dar 7 vel khan a thi a ni.