Zoramthanga hi hruaitu ropui leh rintlak a ni - MNF Treasurer

MNF treasurer K Vanlalauva chuan, chief minister leh MNF president Zoramthanga chu rambuai lai aṭanga tun thlengin hruaitu ṭha leh ropui, mi rintlak a la ni reng niin a sawi.

June 19, Thawnṭanni zana Ṭhuampui MNF Unit-1 huaihawt inkhawmah thu sawiin K Vanlalauva chuan, MNF president Zoramthanga nen rambuai lai aṭangin an inkawp nasat thu a sawi a, "Kha tih hun lai aṭanga vawiin thlenga hruaitu ṭha leh ropui, mi rintlak em em a la ni reng," a ti.

MNF Treasurer chuan ZPM chungchang sawiin, Lunglei lamah an mi leh sate'n an bànsan chur chur mek niin a sawi a, "Tun hnaiah bial tam takah MLA candidate an puan dan chu anmahni party chhungkuaah pawh firfiak taka thuneihna kalpui an nih dan leh an lungrual lohzia a lang," tiin, ZPM chuan an party constitution an bawhchhe nghal niin a sawi.