PYD (Mz)-in CYMA-ah ráltlân ṭanpuina an hlan

Mizoram UPC hnuaia General PYD chuan Manipur tualchhung buaina vanga sahimna zawnga Mizorama rawn tlanchhiate chhawmdawlna atan nimin khan Central YMA hnenah Rs 1,00,000 an hlân. General PYD hian Manipur raltlante pualin May 30, 2023 khan Charity Concert an buatsaih a, chuta sum lutte chu CYMA hnenah hlanin, PYD treasurer T Upa F Lalrinliana'n a hlan a ni.

General PYD secretary John Zothansanga chuan, an phâk tâwkin Manipur-a Zo hnahthlakte tan ṭan an la tih sawiin, "Kan unaute thlavâng hauhna thuchhuahte pawh kan lo siam tawh a, India Prime Minister hnenah lehkha kan thawn bawk," a ti a; CYMA-in an mamawh a nih phawt chuan an phâk tawkah an tlanchhiat loh tur thu a sawi.