Mizorama ráltlânte chanchin zirho

Mizoram Law College-a Student Bar Council (SBC) leh Zo Indigenous Forum (ZIF)-te chuan nimin khan Mizoram Law College legal chamber-ah World Refugee Day 2023 pualin 'Refugee Issue in Mizoram' tih thupui zirhona an buatsaih a, Mizorama raltlan awmte chungchang zirho a ni.

Zirhonaah hian Myanmar MP leh MLA te, Bangladesh Refugee Committee aiawh te, Mizoram University-a research scholar-te leh Mizoram Law College zirlaite an tel a; Mizoram Law College principal Esther L Chhangte-in infuihna thu sawiin, raltlante dikna chanvo hrang hrang a sawi a, Myanmar Chin state-a minister hlui Sailai Isaac Khen pawhin thu a sawi.

Mizoram Law College-a assistant professor Zoparliani Khiangte-in 'Refugees and the law in India' tih thupui a sawi a; Emanuel Lalṭhazuala, Legal Study Forum the study of the Chin-Kuki Hills Country-in thupui dang a sawi bawk.