Remna Ni Essay Competition
School Education department bultumin nimin khan district hrang hrangah Remna Ni (June 30) pualin essay inziahsiak buatsaih a ni a, thupui chu 'Political History of Mizoram: 1947 (post independence) to 1987 (statehood i.e 20th February 1987) tih niin, higher secondary school zirlai 274 an tel.
Essay competition hi district khawpui tinah Samagha Shiksha district project coordinator-te kaihhruaiin buatsaih a ni a, state level-a inelna tur a ni. District tinah intihsiak buatsaih niin, higher secondary school 79 aṭangin zirlai 274 an tel a ni.
District level-a ti ṭha thlan chhuah pathum ṭheuh chu state level-a intihsiaknaa tel turin Samagra Shiksha State Project Director pisaah thehluh a ni ang.
Intihsiakah hian district level leh state level-a pakhatnain Rs 30,000, pahnihnain Rs 20,000 leh pathumnain Rs 10,000 zel an dawng dawn a ni.
School Education department chuan vawiin hian district tinah Remna Ni pualin Quiz Competition a buatsaih dawn bawk a; June 27-ah state level competition buatsaih a ni dawn.
Quiz leh essay intihsiaka state level-a lawmman dawngte chu June 30-a Remna Ni lawmnaah lawmman hlan an ni ang.